同大家玩個遊戲～
請仔細閱讀以下字句，並喺心入面誦讀：
『唔好諗住一隻粉紅大象！』
『唔好諗住一隻粉紅大象！』
『唔好諗住一隻粉紅大象！』
相信有７０％人個腦都諗緊一隻粉紅大象。
有３０％人為咗唔好諗粉紅大象，腦海浮現出一隻粉紅大象，同埋一個「交叉」
無錯，人嘅大腦係好奇妙嘅東西。
你可以控制自己諗乜，但控制唔到自己停止諗一樣嘢。
以我為例，雖然真正喺電腦面前埋頭苦幹嘅時間唔多。頂多每日寫３～４小時。
但其實個腦２４小時都不停諗緊故事題材同故事發展。
相信好多人都遇過呢個問題，當你好攰好攰，訓上床合埋眼。
全身處於放鬆狀態，工作嘅事項就會不受控制浮現出黎。令你完全訓唔到覺。
尤其係創作嘅人，雖然你好攰，但好驚第朝起身會忘記咗呢啲靈感，於是又起身將佢寫低。
重重覆覆幾次先真正訓得著。
所以，Work Hard Play Hard 好重要。
點樣令到自己可以完全放鬆心情，盡情享受休息時間呢？！
我自己放假好鍾意出去玩，
好多人都誤以為，寫作既都係宅男，全日收埋自己喺屋企唔講野，埋頭苦幹。
其實相反…做創作既人先需要更多接觸外界，同一班朋友交流，知道佢地發生緊咩事，瞭解個社會發生咩事，先寫得出有共鳴既故事。
假日好鍾意同班朋友露營或野餐，為左令自己訓喺草地望住個天既時候，個腦唔會不受控地諗工作上嘅野，所以我一定會帶埋Somersby 蘋果酒去。
夏天一到，紅日不多，香港打工仔每日都期望住打風唔使返工嘅日子，就知道假期有幾珍貴。
正因為咁珍貴，先要認真去Refresh一下！
我個人最鍾意佢隻蘋果味，香甜清新，冇苦澀味，連平時唔太鍾意飲酒嘅朋友都覺得好好飲，夏日炎炎雪凍嚟飲就最爽！
一班朋友吹吓水，影相呃Like親親大自然，最啱幫繁忙嘅都市人享受珍貴嘅假期～
Search